Në Qendrën e Stërvitjes Profesionale të Komandës së Doktrinës dhe Stërvitjes (KDS)   janë  trajnuar dhe certifikuar me sukses të lartë pjestarët e Forcës së Sigurisë së Kosovës (FSK).

Këtë e ka bërë të ditur ministri i Mbrojtjes, Armen Mehaj.

Ai përmes Facebook-ut bëri të ditur se  Klasa 2022 e kursantëve për instruktorë të fitnesit fizik janë trajnuar dhe certifikuar Qendrën e Stërvitjes Profesionale të Komandës së Doktrinës dhe Stërvitjes (KDS).

“Sikur edhe për specializimet tjera, vazhdojmë me shtimin e kuadrove të instruktorëve profesional të fitnesit fizikNë Qendrën e Stërvitjes Profesionale të Komandës së Doktrinës dhe Stërvitjes (KDS)  u trajnuan dhe certifikuan me sukses të lartë, Klasa 2022 e kursantëve për instruktorë të fitnesit fizik.Edukimi fizik ushtarak në doktrinën tonë përbën një nga aftësitë që duhet të zotërojë çdo ushtarak, së bashku me aftësitë teknike, mendore dhe emocionale”, shkruan Mehaj.

Sipas Mehajt, fitnesi fizik mundëson forcën dhe energjinë e domosdoshmë për realizimin e detyrave.

“Fitnesi fizik mundëson të kemi forcën dhe energjinë e mjaftueshme dhe të domosdoshme për të realizuar detyrat taktiko-operative me sukses të plotë. . “Trupi arrin atë që mendja beson.” – Napoleon Hill”, shkruan Mehaj./arbresh.info/